समाजसेवी ओकेबाजीलाई अभिनन्दन गरिने
*****************************************************
पाल्पालाई समाजसेवाको कर्मथलो बनाएका जापानिज नागरिक काजुमासा काकिमी ओकेबाजेलाई पाल्पालीहरुले दोस्रो पटक अभिनन्दन गर्ने भएका छन् ।
पाल्पा जिल्लाको शिक्षा, स्वास्थ्य, सञ्चार, खानेपानी तथा जेहन्दार विद्यार्थीलाई व्यक्तिगत रुपमा सहयोग गर्दै आएका जापानी समाजसेवि काजुमासा काकीमी ओकेबाजीलाई अभिनन्दन गर्न लागिएको अभिनन्दन समारोहका मूल समितिका संयोजक नारायणप्रसाद आचार्यले बताउनुभयो । काकिमीलाई उनको कामको कदर स्वरुप नागरिक अभिनन्दन गर्न लागिएको हो । पाल्पाली जनताको सेवामा २० वर्ष सेवा पुर्याएको उपलक्ष्यमा ओकेबाजीलाइ आउँदो फागुन ३० गते रामपुर किसानबारीमा हुने कार्यक्रममा अभिनन्दन गर्ने जनाएका छन् । जापानिज नागरिक काजुमासा काकिमीले सुरुका दिनमा जनतासँग बोल्दा ओकेओके भन्दै बोल्ने र त्यो शब्द नै प्यारो बन्न पुगी ओकेबाजी भन्न थालिएको हो । मगरहरु बाहुल्य रहेको पूर्वि पाल्पामा बुढो मान्छेलाइ बाजी भनेर बोलाउँदछन् । उनका लागि अहिले उपाधि पनि त्यही र पहिचान पनि ओकेबाजी बन्न पुगेको छ ।
सरोकारवालाको भेलाले ओकेबाजीलाई सम्मान गर्न ७३ सदस्यीय ओकेबाजी अभिनन्दन मूल आयोजक समिति गठन गरिएको छ । कार्यक्रमलाई व्यवस्थित पार्न सचिवालय समिति, अभिनन्दन उपसमिति, प्रचारप्र्रसार उपसमिति, आर्थिक व्यवस्थापन उपसमिति, स्वंयमसेवक उपसमिति, साँस्कृतिक उपसमिति, मञ्च व्यवस्थापन उपसमिति, खेलकुद उपसमिति, आवास व्यवस्थापन र स्तम्भ तथा पार्क व्यवस्थापन उपसमिति गठन भएको छ । ओकेबाजेको सहयोगमा सञ्चालनमा रहेको कालीगण्डकी सामुदायिक आखाँ अस्पतालले आँखा शिविर व्यवस्थापन उपसमिति गठन गरी त्यो बखत शिबिर चलाउने जनाएको छ ।
कार्यक्रममा १ सय ५० भन्दा बढि जापानी नागरिकहरु उपस्थित हुने जनाइएको छ । पाल्पालीहरुको ठूलो उपस्थितिमा ओकेबाजेलाई सम्मान गर्ने कार्यक्रम तय भएको छ । पाल्पाली नागरिकको मायाले नेपालमा नै जीवन बिताउने बताउँदै आएका ओकेबाजे नेपाली परम्परासँग नजिक छन् । उनले नेपाली समाजको विशेषतालाइ नजिकबाट हेरेबुझेका छन् ।नेपाली चाडपर्वमा निकै रमाउने ओकेबाजेलाई पूर्वेली मगर भनेर पनि ठट्टा गर्छन् । उनले भने, 'नेपालको पाल्पाली हावापानीले मलाई चिनिसकेको छ ।' उनी उमेरले ८४ पुगेपछि नेपाली परम्परा अनुसार यसै भूमिमा चौरासी पूजा गर्ने बताएका छन् भने जीवनको अन्त्यसम्म पाल्पाको जल्पा र पूर्वी पाल्पाली भूमिमा रहने इच्छा रहेको उनले बताए ।
*****************************************************
पाल्पालाई समाजसेवाको कर्मथलो बनाएका जापानिज नागरिक काजुमासा काकिमी ओकेबाजेलाई पाल्पालीहरुले दोस्रो पटक अभिनन्दन गर्ने भएका छन् ।
पाल्पा जिल्लाको शिक्षा, स्वास्थ्य, सञ्चार, खानेपानी तथा जेहन्दार विद्यार्थीलाई व्यक्तिगत रुपमा सहयोग गर्दै आएका जापानी समाजसेवि काजुमासा काकीमी ओकेबाजीलाई अभिनन्दन गर्न लागिएको अभिनन्दन समारोहका मूल समितिका संयोजक नारायणप्रसाद आचार्यले बताउनुभयो । काकिमीलाई उनको कामको कदर स्वरुप नागरिक अभिनन्दन गर्न लागिएको हो । पाल्पाली जनताको सेवामा २० वर्ष सेवा पुर्याएको उपलक्ष्यमा ओकेबाजीलाइ आउँदो फागुन ३० गते रामपुर किसानबारीमा हुने कार्यक्रममा अभिनन्दन गर्ने जनाएका छन् । जापानिज नागरिक काजुमासा काकिमीले सुरुका दिनमा जनतासँग बोल्दा ओकेओके भन्दै बोल्ने र त्यो शब्द नै प्यारो बन्न पुगी ओकेबाजी भन्न थालिएको हो । मगरहरु बाहुल्य रहेको पूर्वि पाल्पामा बुढो मान्छेलाइ बाजी भनेर बोलाउँदछन् । उनका लागि अहिले उपाधि पनि त्यही र पहिचान पनि ओकेबाजी बन्न पुगेको छ ।
सरोकारवालाको भेलाले ओकेबाजीलाई सम्मान गर्न ७३ सदस्यीय ओकेबाजी अभिनन्दन मूल आयोजक समिति गठन गरिएको छ । कार्यक्रमलाई व्यवस्थित पार्न सचिवालय समिति, अभिनन्दन उपसमिति, प्रचारप्र्रसार उपसमिति, आर्थिक व्यवस्थापन उपसमिति, स्वंयमसेवक उपसमिति, साँस्कृतिक उपसमिति, मञ्च व्यवस्थापन उपसमिति, खेलकुद उपसमिति, आवास व्यवस्थापन र स्तम्भ तथा पार्क व्यवस्थापन उपसमिति गठन भएको छ । ओकेबाजेको सहयोगमा सञ्चालनमा रहेको कालीगण्डकी सामुदायिक आखाँ अस्पतालले आँखा शिविर व्यवस्थापन उपसमिति गठन गरी त्यो बखत शिबिर चलाउने जनाएको छ ।
कार्यक्रममा १ सय ५० भन्दा बढि जापानी नागरिकहरु उपस्थित हुने जनाइएको छ । पाल्पालीहरुको ठूलो उपस्थितिमा ओकेबाजेलाई सम्मान गर्ने कार्यक्रम तय भएको छ । पाल्पाली नागरिकको मायाले नेपालमा नै जीवन बिताउने बताउँदै आएका ओकेबाजे नेपाली परम्परासँग नजिक छन् । उनले नेपाली समाजको विशेषतालाइ नजिकबाट हेरेबुझेका छन् ।नेपाली चाडपर्वमा निकै रमाउने ओकेबाजेलाई पूर्वेली मगर भनेर पनि ठट्टा गर्छन् । उनले भने, 'नेपालको पाल्पाली हावापानीले मलाई चिनिसकेको छ ।' उनी उमेरले ८४ पुगेपछि नेपाली परम्परा अनुसार यसै भूमिमा चौरासी पूजा गर्ने बताएका छन् भने जीवनको अन्त्यसम्म पाल्पाको जल्पा र पूर्वी पाल्पाली भूमिमा रहने इच्छा रहेको उनले बताए ।